Gipagawas sa Cotabato Police Provincial Office (CPPO) ang usa ka adlaw nga accomplishment report alang sa operasyon gikan alas-6 sa buntag sa Hunyo 14 hangtod alas-6 sa buntag sa Hunyo 15, 2026.
Sa maong panahon, nakahigayon ang kapulisan og 223 ka foot patrol, 349 ka mobile patrol ug 258 ka checkpoint operations. Usa usab ka most wanted person ang nadakpan.
Sa pagpatuman sa mga lokal nga ordinansa, 53 ang nasita tungod sa pagpanigarilyo sa publiko, 44 sa pag-inom sa pampublikong lugar, ug 20 ka menor de edad ang nalapas sa curfew. Adunay usab 158 ka mga violators nga nadakpan, diin nakolekta ang kinatibuk-ang multa nga mokabat sa ₱40,650.
Samtang sa kampanya batok sa smuggled cigarettes, duha ka operasyon ang gihimo nga miresulta sa pagdakop sa duha ka suspek ug pagkakompiska sa 3,100 ka reams ug duha ka pakete sa kontrabandong sigarilyo, nga adunay kinatibuk-ang kantidad nga P2.65M.
Sumala sa CPPO, padayon ang ilang kampanya aron mapadayon ang kalinaw, kahapsay ug kaluwasan sa tibuok Probinsya sa Cotabato.
Photo Courtesy: Cotabato Police Provincial Office
