Gilunsad sa Philippine Marine Corps ug United States Marine Corps ang ika-10 nga KAMANDAG o Kaagapay ng mga Mandirigma Mula sa Dagat Exercise 10-2026 sa Taguig City.
Apil usab sa maong ehersisyo ang pwersa gikan sa Japan ug South Korea, samtang adunay mga observer gikan sa Australia, Bahrain, Canada, France, Germany, Netherlands, Spain ug Thailand.
Pagahimoon ang mga kalihokan sa nagkalain-laing bahin sa nasud lakip ang Northern Luzon, Central Luzon, Palawan, Tawi-Tawi, Manila ug Cavite.
Tumong sa KAMANDAG 10-2026 nga mas mapalig-on ang kahandam sa militar, kooperasyon sa mga kaalyado, ug pagmintinar sa kalinaw ug kalig-on sa Indo-Pacific Region.
Photo Courtesy: ABS-CBN
