Gipadayag sa City Engineering Office sa Digos City atol sa sesyon sa Sangguniang Panlungsod nga padayon ang ilang inspeksyon sa mga imprastruktura, ilabina sa mga eskwelahan, human sa nahitabong linog kagahapon Hunyo 15, 2026.
Matod nila Engr. Alcomendras ug Engr. Loyola, gipaningkamotan sa ilang opisina nga masusi ang tanang establisemento aron masiguro ang kaluwasan sa publiko.
Duha ka eskwelahan ang gibutangan og red sticker nga nagpasabot nga dili na kini luwas gamiton ug kinahanglan nang ilisan o tukuron pag-usab, lakip ang Sinawilan Badjang School ug Aplaya Elementary School sa Digos City.
Nagpadayon usab ang assessment sa ubang pasilidad aron matino ang ilang kahimtang ug kaluwasan.
