Mibalik sa YouTube ang content creator nga si Esnyr Ranollo pinaagi sa bag-ong episode sa iyang sikat nga high school series nga “First Day High” nga gipasalida niadtong Hunyo 14. Matud pa kaniya, tulo ka bulan nilang gihagoan ang produksyon ug dako ang panahon, paningkamot ug pondo nga ilang gigahin alang niini.
Gipakita sa maong episode ang mga kasinatian sa unang adlaw sa klase ug nagtampok sa mga iladong personalidad sama nila Vice Ganda, Donny Pangilinan, Belle Mariano ug Empoy Marquez. Gisugyot usab sa teaser ang posibleng love triangle ug uban pang bag-ong istorya nga masubay sa mga manan-aw.
Samtang, positibo ang reaksyon sa mga fans ug kapwa celebrities sa pagbalik sa serye. Sa pagkakaron, mikabat na sa kapin 1.6 milyon ka views ang “First Day High” sa YouTube, nga nagpakita sa padayon nga suporta sa mga sumusunod ni Esnyr.
Photo Courtesy: Pep.ph
