Nagpahimangno si kanhi Senador Panfilo “Ping” Lacson nga posibleng mosangpot sa usa ka constitutional crisis ang gilaumang impeachment trial batok kang Bise Presidente Sara Duterte. Kini kung adunay mga senador nga mapailawom sa preventive suspension o madetine tungod sa nagpadayong imbestigasyon sa giingong mga iregularidad sa mga proyekto sa flood control, butang nga makakuha sa gikinahanglang gidaghanon sa boto sa korte.
Gipasabot ni Lacson nga kung mokunhod ngadto sa 15 na lang ang mga miyembro sa Senado tungod sa suspensyon, mahimong lisod makab-ot ang gikinahanglang 16 ka boto o ang 32 (two-thirds) nga mayoriya sa tanang senador aron makahatag og pinal nga desisyon sa kaso. Tungod niini, iyang gisugyot nga tun-an ang posibilidad nga tugotan gihapon ang mga apektadong senador nga molingkod isip senator-judges, o kaha i-postpone una ang hearing hangtod mahuman ang posibleng 90 ka adlaw nga suspensyon sa mga magbabalaod.
Sa pikas bahin, hugot nga mingsupak si Lacson sa sugyot ni Senator Alan Peter Cayetano nga pakunhuran ngadto sa 12 na lang ang gikinahanglang boto alang sa conviction o acquittal.
Iyang gipasiugda nga klaro ug walay lalis sa Konstitusyon nga kinahanglan gayod ang 32 nga boto sa tanang miyembro sa Senado aron mahukman ang usa ka taas nga opisyal sa gobyerno nga giatubang sa impeachment proceedings
Photo Courtesy: Business Mirror
