Nag-andam ang Philippine Red Cross og shelter program alang sa mga pamilya nga nawad-an og panimalay tungod sa kusog nga linog sa Mindanao.
Sumala ni PRC Secretary General Dr. Gwendolyn Pang, sugdan ang programa karong bulan ug molungtad hangtod Nobyembre 2026 aron matabangan ang mga biktima sa pagbangon ug pagpatukod pag-usab sa ilang mga balay.
Matod pa niya, andam usab ang Red Cross nga mas palapdan ang maong programa kon adunay igo nga suporta gikan sa mga donors ug partners.
Padayon karon ang paningkamot sa mga ahensya ug organisasyon aron mahatagan og tabang ug masiguro ang maayong kahimtang sa mga apektadong pamilya sa mga lugar nga naigo sa linog.
Photo Courtesy: wikipedia
