Mahimo nga bawion sa Department of Energy (DOE) ang Certificate of Endorsement (COE) sa mga kompanya sa kuryente o power generation companies nga padayong nakasinati og mga forced outage o kalit nga pagkapalong sa ilang mga planta.
Sumala pa ni Marasigan, isip usa ka policy-making body ang DOE, itugyan ug i-endorso nila sa Energy Regulatory Commission (ERC) ang pagpasiugda og lawom nga imbestigasyon batok sa maong mga kumpanya. Ang ERC mao ang nag-unang ahensya nga nagsilbing regulator sa electric power industry sa nasod.
Pinaagi sa mga ipahigayon nga legal nga pagdungog (hearings), sutaon sa ERC kung duna ba’y igong kamatuoran ug ebidensya nga nagpakita nga ang sunod-sunod nga pagkapalong sa mga planta gidaldala sa pagpasagad (negligence) o kakulangon sa pagdumala sa bahin mismo sa mga tag-iya sa power generation companies.
Gitinguha sa maong lakang nga mapalig-on ang disiplina sa mga magpapatigayon sa enerhiya ug masiguro ang hapsay ug lig-on nga suplay sa kuryente alang sa tibuok nasod.
Photo Courtesy: Philstar.com
