Nagplano ang Department of Agriculture (DA) nga pataasan ngadto sa 500,000 metric tons ang Minimum Access Volume (MAV) alang sa importasyon sa mais aron mapanalipdan ug matabangan ang mga hog ug poultry producers batok sa nagasaka nga presyo sa paka sa mga hayop.
Pinaagi sa usa ka opisyal nga pamahayag nga gipagawas niadtong Dominggo, Hunyo 14, 2026, gipahayag sa DA nga ang maong gisugyot nga quota sobra pa sa doble sa kasamtangang MAV allocation nga anaa lamang sa 216,940 metric tons.
Sumala sa DA, ang mga i-import nga mais nga nasulod sa gitakdang quota pahamtangan lamang og mas mubu nga preferential tariff nga 5 porsyento, samtang ang mga kargamento nga molapas sa alokasyon mag-atubang gihapon sa 15 porsyento nga buhis.
Gisitar sa departamento ang datos gikan sa Philippine Statistics Authority (PSA) diin nagpakita nga ang kinatibuk-ang produksyon sa mais sa nasud niadtong tuig 2025 mitala lamang sa banabana nga 8.3 milyones ka metric tons, hinungdan nga gikinahanglan ang dugang suplay alang sa sektor sa kahayopan.
Photo Courtesy: South China Morning Post
