Mokabat sa Php3.91 milyones nga kantidad sa gituohang shabu ang nasakmit sa mga otoridad lakip na ang usa ka lalaki nga giila sa mga awtoridad nga Rank 1 Regional Priority Target List (RPTL) sa ilegal nga droga sa rehiyon nga giilang sila alyas “ron”, 41-anyos ; alyas “naldo” ,34- anyos, usa ka security guard, pulos residente sa brgy Cuta; alyas “Myrna” 41-anyos, residente sa brgy district 4; lakip usab Ang usa ka magtutudlo nga giilang si alyas “shiela” ,41-anyos human sila nadakpan atol sa gilusad nga buy-bust operation didto sa Brgy. Cuta, Barugo, Leyte niadtong nakalabay nga semana, Hunyo 12, 2026.
Sumala pa sa taho sa kapulisan, kapin 575 ka gramo sa gituohang ilegal nga droga ang narekober gikan sa mga suspek. Gawas sa gituohang shabu, nasakmit usab sa mga operatiba ang usa ka digital weighing scale, buy-bust money ug uban pang drug paraphernalia.
Gikompirma sa mga awtoridad nga ang tanang ebidensya husto nga naimbentaryo ug namarkahan atubangan sa mga suspek ug mga gikinahanglang testigo subay sa mga probisyon sa balaod.
Sa pagkakaron, anaa na sa kustodiya sa kapulisan ang mga suspek ug mag-atubang og kasong paglapas sa Republic Act 9165 o ang Comprehensive Dangerous Drugs Act of 2002.
