Gitay-og sa magnitude 5.0 nga linog sa bahin sa lungsod sa Hinatuan, Surigao del Sur kagahapon sa alas 10:08 sa gabii, Hunyo 14, sumala sa Philippine Institute of Volcanology and Seismology (PHIVOLCS).
Base sa datos, ang sentro sa linog nahimutang sa 54 kilometro sa amihanan-sidlakan sa lungsod sa Hinatun. Gipadayag sa PHIVOLCS nga tectonic ang hinungdan sa maong linog ug adunay giladmon nga 10 kilometro.
Bisan pa sa kusog sa pagtay-og, wala gilauman nga adunay dakong kadaot nga resulta niini. Apan, gitambagan sa ahensya ang mga residente sa apektadong mga lugar nga magpabiling alerto ug andam sa posibleng mga aftershocks o sunod-sunod nga pagtay-og.
Samtang, padayon nga ginamonitor sa PHIVOLCS ang kahimtang aron masiguro ang hustong impormasyon ug pag-andam sa publiko human sa maong paglinog
Photo courtesy: PHIVOLCS
