Gikilig ang daghang netizens human magkita pag-usab sa telebisyon si Bimby Aquino ug Ryzza Mae Dizon sa usa ka noontime show, kapin usa ka dekada human sila nag-uban sa hit movie nga My Little Bossing niadtong 2013.
Sa ilang reunion, gipadayag ni Bimby ang iyang birthday wish alang kang Ryzza nga magpabiling buotan, sweet ug caring. Mas nakapakilig pa sa studio audience ang iyang paghatag og necklace isip regalo sa TV host.
Naghatag usab og kataw-anan si Bimby sa iyang komento nga kung dili man sila magkadayon sa umaabot, gusto niya nga mahimong ninang sa iyang kasal si Ryzza, nga nakahatag og dugang kilig ug katawa sa mga nanan-aw.
Sa social media, daghang netizens ang mipadayag sa ilang kalipay sa pagtan-aw sa duha pag-usab nga magkauban.
Ang uban nanghinaot nga mahatagan pa sila og bag-ong proyekto, samtang adunay mga netizen nga miangkon nga balik-balik nilang gitan-aw ang viral nga video tungod sa ilang kakilig sa tambalan ni Bimby ug Ryzza Mae.
Photo Courtesy: Ryzza Mae Instgram
