Subling gipadayag sa University Athletic Association of the Philippines (UAAP) ang ilang lig-on nga baruganan alang sa kamatuoran ug tulubagon, dungan sa pasidaan nga magpahamtang og tukmang silot ngadto sa Ateneo de Manila University human sa nagpadayong imbestigasyon sa kamatayon sa duha ka atleta niini.
Pinaagi sa usa ka opisyal nga pamahayag, gipahayag sa liga nga padayon nilang gimonitor ug gisusi ang dagan sa imbestigasyon sa makapasubo nga kamatayon sa mga magduduwa sa Blue Eagles nga silang Rene Baterbonia ug Divine Adili niadtong Lunes, Hunyo 8, 2026.
Nasayran nga ang duha ka atleta nakabsan sa kinabuhi sa usa ka aksidente samtang nagpahigayon og team-building activity didto sa Dipaculao, Aurora.
Isip kabahin sa ilang lakang sa pagtino sa kamatuoran, gisaad sa UAAP nga ilahang konsiderahon ug sutaon ang tanang makuhang opisyal nga findings gikan sa National Bureau of Investigation (NBI), Philippine National Police–Criminal Investigation and Detection Group (PNP-CIDG), Commission on Higher Education (CHED), ug gikan mismo sa pamunuan sa Ateneo.
Gipasalig sa liga nga hugot silang nagsubay sa dagan sa mga panghitabo ug seryosong nagrepaso sa tanang impormasyon aron masiguro ang tulubagon ug mapatigbabaw ang kaluwasan sa tanang mga atleta ubos sa maong asosasyon.
Photo Courtesy: Instagram
