Nagpahayag ang aktres nga si Angel Castro nga naagian niya ang depresyon tungod sa grabeng pambash ug death threats nga iyang nadawat sa social media. Matod pa sa aktres, daghan kaayong haters ang miatake kaniya online nga nakaapekto sa iyang mental ug emosyonal nga kahimtang.
Gibutyag ni Angel nga lisod alang kaniya ang pag-atubang sa negatibong mga komento ug hulga, ilabina nga naapil usab ang iyang personal nga kinabuhi sa mga kontrobersiya sa internet. Tungod niini, nakahunahuna siya sa pagbag-o sa iyang screen name aron makalikay sa dugang nga isyu ug aron makabangon pag-usab sa industriya sa showbiz.
Bisan pa sa mga pagsulay, padayon gihapon si Angel sa pagpadayon sa iyang karera isip artista. Nagpasalamat usab siya sa mga fans ug supporters nga nagpadayon sa pagdasig ug pagsuporta kaniya atol sa iyang giatubang nga kalisdanan
Photo Courtesy:x.com
