Usa ka babaye sa estado sa Georgia sa Estados Unidos ang nakatala og world record human makatigom sa giingong pinakadaghang koleksyon sa mga memorabilia sa Wonder Woman.
Sumala sa Guinness World Records, ang residente sa Cedartown nga si Aleshia Wiley adunay kinatibuk-ang 1,581 ka mga butang, nga maoy nakahatag kaniya sa titulo nga “largest collection of Wonder Woman memorabilia.”
Lakip sa iyang koleksyon ang mga comic book, Funko Pop figurines, action figures, mga espesyal nga dulaan, ug nagkadaiyang branded merchandise nga may kalabotan sa Wonder Woman.
Matod ni Wiley, nagsugod ang iyang interes sa maong karakter human siya makatambong sa animated series nga Justice League niadtong 2000.
Giingon usab niya nga usa sa mga rason nganong nahimo niyang paborito si Wonder Woman mao ang simbolo niini sa kusog ug paghatag og gahom sa kababayen-an.
Ang maong koleksyon opisyal nga giila sa Guinness World Records isip pinakadako sa kalibotan alang sa mga memorabilia nga may kalabotan sa popular nga superhero
Photo Courtesy: Guinness World Records
