Gipahamtangan og 30 ka tuig nga pagkabilanggo sa Seoul Central District Court si kanhi South Korean President Yoon Suk Yeol human kini mapamatud-an nga sad-an sa kasong kriminal.
Nasuta sa korte nga sad-an si Yoon tungod sa iyang pagpasiugda og sekretong operasyon gamit ang mga drones batok sa North Korea niadtong Oktubre 2024 aron lang unta magmugna og tensyon nga maoy iyang gihimong rason o basehan sa palpak nga pagdeklarar og martial law niadtong Disyembre 2024.
Nakitaan usab sa mga maghuhukom nga nakigkunsabo kini sa iyang mga opisyal alang sa maong iligal nga pagpalupad sa mga drones, butang nga giisip sa korte nga usa ka matang sa pagluib sa nasod ug pag-abuso sa gahom.
Angayang masayran nga una nang gihimakak ni Yoon ang tanang mga pasangil batok kaniya, diin gipamugos sa iyang kampo nga legal ang operasyon sa militar ang pagpalupad sa mga drones, apan hingpit kining gibasura sa hukmanan.
Photo Courtesy: BBC
