Nabalik sa sentro sa hisgotanan sa kalibotan sa showbiz si Jillian Ward human siya mipaambit sa iyang personal nga panglantaw bahin sa gugma ug relasyon.
Gipadayag sa aktres nga sa edad nga 21- anyos mas gusto niyang ipabiling pribado ang iyang lovelife bisan pa sa iyang dakong kasikat ug milyon-milyong mga fans sa social media.
Sumala sa batan-ong artista, adunay mga bahin sa iyang personal nga kinabuhi nga gusto niyang panalipdan gikan sa publiko. Lakip niini ang iyang romantikong relasyon, nga kasagarang mahimong sentro sa interes ug diskusyon sa industriya sa kalingawan.
Base sa mga taho daghan ang na link ni Jillian karung panahona sama nalang nila ni Kobie Brown, Emman Pacquiao, Rahleel Bhyria ug David Licauco.
Si Jillian usa sa labing malampuson ug popular nga mga aktres sa iyang henerasyon. Bisan pa sa padayon niyang kalampusan sa showbiz, gipakita niya nga importante gihapon alang kaniya ang pagmintinar sa pribasiya sa pipila ka aspeto sa iyang kinabuhi.
Sa pagkakaron, wala siya maghatag ug dugang detalye mahitungod sa iyang romantikong kahimtang, apan klaro nga gipili niya nga ibutang sa pribadong bahin sa iyang kinabuhi ang mga butang nga may kalabutan sa gugma ug personal nga relasyon.
Photo Courtesy: Remate
