Gipahibalo sa militar sa Estados Unidos nga naglusad sila og mga airstrikes agig tubag sa pagkahulog sa usa ka US Army AH-64 Apache helicopter nga gi-atake sa Revolutionary Guards sa Iran. Sumala sa mga militar sa US nga ilang gipuntirya sa pag-atake ang mga pasilidad nga nalambigit sa giingon nga pag-atake sa maong helikopter.
Samtang gibutyag usab ni Iranian Foreign Minister Abbas Araghchi nga walay pag-atake gikan sa Estados Unidos ang itugot nila nga walay pagbalos ug andam matod pa ang Revolutionary Guards sa Iran kalabot niini.
Gani, gikataho nga adunay nahitabo nga pag-atake sa tulo ka estratehikong lokasyon duol sa Strait of Hormuz, diin naguba ang duha ka water reservoir nga nagresulta sa pagkawala sa suplay sa tubig sa pipila ka mga lugar.
Sa pikas bahin, gipasigarbong gibutyag ni US Donald Trump nga bisan pa man sa nagkagrabeng tensyon sa rehiyon, ang mga insidente nga nahitabo dili matod pa makaapekto sa nagpadayon nga panaghisgot sa kalinaw.
Photo Courtesy:CNN News
