Dakpan sa mga personahe sa Mati City Police Station ang usa ka lalaki atol sa gipatumang Search Warrant Operation didto sa Purok Matulungin 2, Barangay Matiao, Mati City niadtong Hunyo 9, 2026.
Ang operasyon inubanan sa Provincial Intelligence Unit (PIU) sa Davao Oriental Police Provincial Office (DOPPO) ug sa Philippine Drug Enforcement Agency (PDEA) nga miresulta sa pagkasikop ni alyas “Ken-Ken,” 26-anyos, ulitawo, usa ka laborer.
Narekober gikan sa suspetsado ang upat (4) ka heat-sealed transparent plastic sachets nga adunay sulod sa gituohang shabu, mga nagkadaiyang drug paraphernalia sama sa improvised glass tooters, lighter, bamboo sealer, plastic scooper, gunting, blade, ug walay sulod nga mga plastic cellophane.
Ang mga nakumpiskang illegal nga droga gibana banaang mutimbang sa lima (5) ka gramo nga adunay street value nga mokabat og ₱18,000.00.
Sa kasamtangan ang dinakpan gikustodiya na sa kapulisan alang sa hustong disposisyon ug mag atubang sa kasong paglapas sa Republic Act No. 9165 kun Comprehensive Dangerous Drugs Act of 2002.
Photo Courtesy: Mati CPS
