Gipasidunggan ang Digos City Police Station isip Top 1 Performing Office o Unit sa tibuok Police Regional Office XI alang sa bulan sa Mayo 2026.
Ang maong pagkilala usa ka timaan sa lig-on nga performance sa estasyon ubos sa pagpangulo ni PLtCol. Norman L. Yparraguirre, diin nagpakita ang kapulisan sa organisado nga operasyon, propesyonalismo, ug dedikasyon sa pagserbisyo sa publiko.
Sumala sa Digos City Police Station, ang maong pasidungog bunga sa walay hunong nga paningkamot sa tanang personnel sa pagpatuman sa mga programa batok sa kriminalidad ug sa pagmintinar sa kalinaw, kahapsay, ug kaluwasan sa Dakbayan sa Digos.
Gilauman usab nga ang maong kalampusan mahimong inspirasyon sa tanang miyembro sa kapulisan aron magpadayon sa matinud-anon ug responsableng pag-alagad sa katawhan.
Padayon ang Digos City Police Station sa paghatag og serbisyo uban sa integridad ug kadasig alang sa mas luwas ug malinawon nga komunidad.
