Gikompirmar sa Department of Labor and Employment o DOLE Region 10 nga mahimong lisod paigoon ang minimum nga P500 ilabina sa mga pamilyang adunay lima o kapin pa ka miyembro.
Matod ni DOLE-10 Technical Director JV Vasallo, kung usa lamang ka sakop sa pamilya ang adunay trabaho, adunay posibilidad nga dili igo ang kita alang sa adlaw-adlaw nga panginahanglan sa tibuok panimalay.
Tungod niini, giawhag niya ang mga pamilya nga kon mahimo, ang partner usab mangita og trabaho o mosulod sa gagmayng panginabuhian sama sa sari-sari store ug uban pang dugang nga tinubdan sa kita.
Dugang pa ni Vasallo nga importante usab ang maampingong pagdumala sa kwarta pinaagi sa pagminus sa mga gastuhon nga dili kinahanglan aron masigo ang budget sa pamilya.
Photo courtesy: Philippine News Agency
