Emotional ang rumored couple nga sila Klea Pineda ug Janella Salvador atol sa ilang guesting sa “Fast Talk with Boy Abunda,” diin ilang gipadayag ang matag usa sa ilang kinabuhi.
Matod pa ni Klea, si Janella maoy iyang “tahanan” ug mao’y nakapakalma sa kagubot sa iyang hunahuna, samtang si Janella mitawag kang Klea nga iyang “favorite gay” ug usa ka tawo nga gusto niyang magpabilin sa iyang kinabuhi. Ang ilang mga pahayag nakapukaw dayon sa atensyon sa mga netizens ug fans sa social media.
Gibutyag usab sa duha nga mas nagkalig-on pa ang ilang relasyon tungod sa suporta ug pagsinabtanay nga ilang gihatag sa usag usa. Giingon ni Janella nga pareho silang mas nahamtong karon ug gusto nilang gamiton ang mga leksyon gikan sa ilang nangagi aron mapalig-on ang unsay anaa kanila karon.
Nasuta usab sa interview nga si Janella kuno ang mas clingy ug selosa sa ilang duha, samtang gipadayag ni Klea nga dako kaayong tabang ni Janella sa pag-atubang niya sa negatibong komento ug online threats nga iyang nadawat sa social media
Photo Courtesy: GMA Network
