Nagpadayon sa ilang mga programa ang Australia Philippines Business Council (APBC) aron mapalambo ang turismo ug mapalig-on ang food security sa Pilipinas.
Matod kang APBC President nga si Rafael Toda, nag-andam sila og travel show nga magpakita sa mga bantugang destinasyon sa Pilipinas ug ipasalida sa mga telebisyon sa Australia aron madani ang dugang turista ug mamumuhunan.
Gawas sa turismo, nagtutok usab ang konseho sa mga proyekto alang sa food security sama sa alternatibong abono nga makapaayo sa kalidad sa yuta, pagpalambo sa farm-to-table system, ug pagtukod og mobile cold storage facilities aron maminusan ang pagkausik sa pagkaon.
Samtang niini, nagpadayon usab ang kalampusan sa mga Filipino-owned businesses sa Australia, lakip ang Victoria International Container Terminal, nga giila isip usa sa nanguna ug unang fully automated container terminal sa nasod.
Kapin sa 400,000 ka Pilipino ang nagpuyo karon sa Australia, nga maoy ikalima sa pinakadakong migrant community sa maong nasod.
Photo Courtesy: ABS-CBN
