Gipahibalo sa Department of Agriculture (DA) nga wala pa’y natala nga kadaot sa sektor sa agrikultura human sa kusog nga linog nga miigo sa Sarangani Province. Base kini sa inisyal nga report gikan sa mga regional office sa DA sa Mindanao ug Eastern Visayas.
Bisan pa niini, andam na ang nagkadaiyang tabang alang sa mga mag-uuma ug mangingisda nga posibleng naapektuhan sa kalamidad. Lakip sa giandam nga ayuda ang mga binhi sa humay, mais ug utanon, mga abono, livestock assistance, fingerlings, ug mga gamit sa pangisda.
Aduna usab giandam nga suplay sa bugas gikan sa National Food Authority (NFA).
Photo Courtesy: Agriculture Monthly
