Padayon ang koordinasyon ug komunikasyon sa nagkadaiyang regional offices sa National Bureau of Investigation (NBI) kalabot sa pag-locate ug posible nga pagserbisyo sa lawful arrest kang Senador Ronald “Bato” dela Rosa.
Matod ni NBI Director Atty. Melvin Matibag, padayon nilang gina-validate ang tanang impormasyon nga ilang madawat aron masiguro kung tinuod kini.
Dugang pa niya nga adunay kanunay nga koordinasyon tali sa NBI ug sa Criminal Investigation and Detection Group (CIDG) kabahin sa kalihokan.
Mahinumdoman nga personal nga nanguna sa groundbreaking ceremony si Atty. Matibag sa himoong NBI Regional Office sa El Salvador City, Misamis Oriental.
