Gipahibalo sa National Aeronautics and Space Administration (NASA) ang mga astronaut nga mopartisipar sa Artemis III mission, apan giklaro nila nga dili na kini maglakip og paglanding sa Bulan sama sa orihinal nga plano.
Ang Artemis III usa ka misyon sa NASA nga kabahin sa Artemis program, nga nagtumong sa pagpadala ug mga indibidwal ngadto sa Bulan ug pag-andam alang sa umaabot nga eksplorasyon sa Mars.
Kini ang misyon nga giplanong mopadala og mga astronaut ngadto sa kawanangan sa unang higayon sukad sa Apollo missions. Gamit ang Space Launch System (SLS) rocket ug Orion spacecraft, ang mga astronaut mobiyahe ngadto sa palibot sa Bulan ug mosulay og paglanding pinaagi sa lunar lander nga gihimo sa SpaceX.
Tungod sa mga pagkalangan sa pag-andam sa SpaceX Starship ug uban pang teknikal nga kalisod, ang misyon himuon na lamang sa low Earth orbit aron sulayan ang mga lunar lander nga gamiton sa umaabot nga mga misyon sa Bulan.
Si Randy Bresnik maoy mission commander, samtang si Luca Parmitano sa Italy maoy pilot. Kauban usab nila sila Andre Douglas ug Frank Rubio isip mission specialists.
Bisan wala na ang lunar landing sa Artemis III, nagpadayon ang NASA sa pag-andam alang sa target nga pagbalik sa tawo sa Bulan sa umaabot nga mga misyon.
Photo Courtesy: NPR
