Nakumpiska sa mga kapulisan ang gibanabanaang kapin 1 milyon pesos nga kantidad sa smuggled cigarettes atol sa random checkpoint operation sa Naga, Zamboanga Sibugay niadtong Oktubre 2, 2026.
Sumala sa Zamboanga Sibugay Police Provincial Office, gihimo ang checkpoint alas 3:55 sa hapon sa National Highway, Purok Lubay, Barangay La Paz, Naga. Gipangulohan kini sa Naga MPS uban ang mga personnel sa 106th Infantry Battalion, 1st Infantry Division, Philippine Army ug La Paz Temporary Patrol Base.
Nasusi pag-ayo ang usa ka itom nga Mitsubishi Montero Sport human namatikdan sa mga otoridad ang suspetsadong kahimtang niini. Pinaagi sa plain view doctrine, nakita sulod sa sakyanan ang mga gidudahang kontrabando nga maoy gikumpiska.
Kapin 18 ka master cases ug 95 ka reams sa smuggled cigarettes ang nakumpiska, nga adunay gibanabanaang kantidad nga 1 milyon, 74 mil pesos base sa standard pricing sa Bureau of Customs. Ang suspek ug mga nakumpiskang sigarilyo gidala sa Naga MPS ug giturn-over ngadto sa Bureau of Customs alang sa hustong disposisyon.
