Gipahigayon sa Department of the Interior and Local Government o DILG ang 3rd Quarter Joint Meeting sa nag-unang mga konseho sa Zamboanga Sibugay sa Executive Conference Room sa Capitol Building, Ipil niaging adlaw
Gipangulohan ni Governor Ann K. Hofer ang maong tigom diin nagtambong ang Provincial Peace and Order Council, Provincial Anti-Drug Abuse Council, Provincial Task Force to End Local Communist Armed Conflict ug Provincial Disaster Risk Reduction and Management Council.
Sa maong miting, gihisgutan ang nagkalain-laing mga lakang alang sa peace and order, kontra-droga, disaster preparedness ug public safety sa probinsya. Lakip usab sa mga resolusyon ang pagpadali sa PTF-ELCAC Housing Project sa Mirangan, Siay.
Gihisgutan usab ang papel sa civilian reservists ubos sa Republic Act 7077, ang pagpalig-on pag-usab sa Sibuguey Valley Management Council ug ang pag-establisar og Early Warning System pinaagi sa Ridge-to-Reef approach. Tumong niini nga mas mapalig-on ang koordinasyon sa mga lokal nga panggamhanan alang sa kalinaw, seguridad ug kalig-on batok sa mga kalamidad.
