Gipadayon ang mga lakang alang sa pagtukod sa National Geriatric Center nga gitumong sa paghatag og mas espesyal nga healthcare services alang sa mga senior citizens sa nasud.
Kini human ma-reconcile sa Bicameral Conference Committee ang House Bill 6739 ug Senate Bill 1509, nga naglangkob sa mga probisyon alang sa pagpalambo sa healthcare services para sa mga tigulang.
Lakip sa mga serbisyong giplano nga mahatag sa maong sentro ang acute ug outpatient care, palliative care ug transitional care. Gikonsiderar usab niini ang research ug training alang sa geriatric health aron masuportahan ang mga healthcare workers sa pag-atiman sa senior citizens.
Gipahayag sa mga nagpaluyo sa panukala nga importante ang pagpalig-on sa healthcare system alang sa mga tigulang, ilabi na alang sa atong mga ginikanan, lolo ug lola nga nanginahanglan og angay ug espesyal nga pag-atiman sa ilang panglawas.
