Padayon karon ang gihimong pag-monitor ug pagsusi sa DPWH South Cotabato 2nd District Engineering Office sa kahimtang sa mga nasudnong dalan ug tulay nga nasakpan sa ilang dapit, human sa miaging magnitude 7.8 nga linog. Sa gihanyag nga dinalian nga inspeksyon sa nagkadaiyang dapit, nakita ang pipila ka mga nangaliki nga semento, nabanlas nga daplin sa dalan (shoulder embankments), ug usa ka insidente sa pagdahili sa yuta o road slip didto dapit sa General Santos City–Tboli–Surallah Road.
Aron masiguro ang kaluwasan sa tanan, daling milihok ang maong buhatan pinaagi sa pagbutang og mga early warning devices o mga timaan sa pasidaan, ug nagpadala usab dayon sila og mga personahe ug mga kahimanan alang sa pagpanglimpyo ug clearing operations.
Sa kasamtangan, ang tanang naapektuhang dalan ang maagian na sa mga sakyanan (passable), gawas lang sa usa ka bahin sa Surallah–Lake Sebu–Maitum Road nga nagpabiling usa lang ka lane ang pwedeng maagian karon. Padayon gihapon ang pag-atiman ug pag-monitor sa DPWH sa maong mga dapit aron masiguro ang luwas ug hapsay nga biyahe para sa publiko.
Photo Courtesy: DPWH SOCCSKSARGEN
