Patay ang lima ka tawo human sa duha ka insidente sa pagkahugno sa minahan sa western Turkey. Sa unang insidente, tulo ka biktima ang nakit-an sa Manisa Province. Samtang sa ikaduhang insidente, nahitabo ang pagkahugno sa usa ka dili lisensiyadong minahan sa lungsod sa Kilimli.
Base sa unang impormasyon, pito ka mga minero ang naipit sulod sa maong minahan human sa insedente.
Samtang, gimando na ni Justice Minister Akin Gurlek ang imbestigasyon aron matino ang hinungdan sa maong insidente ug posibleng paglapas sa mga regulasyon sa kaluwasan sa minahan.
Siyam ka mga opisyal sa mga kompanya, lakip ang manager ug operator sa minahan, ang gidakop sa mga otoridad tungod sa ginasuspetsahang pagpasagad nga mahimong may kalabotan sa maong insidente.
Photo courtesy:Turkiye Today
