Miubos og 39.7 porsyento ang gidaghanon sa mga konstruksyon sa Heneral Santos City niadtong Hulyo 2026, bisan pa og misaka ang total floor area, base sa datos sa Philippine Statistics Authority o PSA nga gipagawas niadtong Setyembre 30, 2026.
Sumala sa PSA, 38 ka approved building permits ang natala sa maong bulan, mas ubos kumpara sa susamang panahon niaging tuig. Apan, misaka og 4.1 porsyento ang total floor area ug miabot sa 14,880 square meters.
Samtang, miubos og 13 porsyento ang kinatibuk-ang kantidad sa mga konstruksyon, nga mikabat sa P113.52 milyon pesos. Misaka usab og 6.4 porsyento ang average construction cost kada square meter, nga anaa sa P7,328.12.
Sa 38 ka approved permits, 27 ang non-residential, unom ang residential, ug lima ang alteration ug repair. Sa non-residential projects, commercial construction ang adunay pinakadakong kantidad nga P80.17 milyon pesos, samtang ang agricultural projects ang adunay pinakadakong floor area nga 6,936 square meters.
Gipagawas sa PSA Region 12 ang maong datos niadtong Setyembre 30, 2026, isip opisyal nga statistics alang sa construction sector sa Heneral Santos City.
Photo courtesy: PSA
