Gihatagan sa Bureau of Internal Revenue (BIR) og extension ang mga taxpayers sa General Santos City, Sarangani, ug South Cotabato pinaagi sa pagpalugway sa deadlines sa tax filing, tax payment, ug pagsumite sa mga dokumento hangtod Hunyo 30.
Ang lakang gisunod sa epekto sa magnitude 7.8 nga linog nga miigo sa pipila ka bahin sa Mindanao, aron mahatagan og kahigayunan ang mga naapektuhang negosyo ug komunidad nga makabangon.
Sumala sa BIR, walay multa, surcharge, o interes nga ipataw sa mga taxpayers nga makatuman sa ilang obligasyon sulod sa extension period.
Kabahin kini sa paningkamot sa gobyerno nga mamenosan ang kabug-at nga gidala sa kalamidad sa mga residente ug mga negosyo sa apektadong mga lugar.
Photo Courtesy: Manila Bulletin
