Gipasiugda ni Acting Senate President Win Gatchalian nga kinahanglang makatigom og labing menos 16 ka boto ang impeachment court aron mahatulan si Bise Presidente Sara Duterte sa umaabot nga impeachment trial.
Matud ni Gatchalian, ang maong gidaghanon sa boto nagbase sa 1987 Constitution nga nagkinahanglan og two-thirds nga suporta gikan sa tanang 24 ka senador aron adunay conviction sa usa ka impeachment case.
Samtang nangandam ang Senado alang sa paglilitis, gibutyag usab nga nabahin ang mga senador ngadto sa nagkalain-laing paksyon, nga posibleng makaapekto sa resulta sa pagbotar.
Gikatakda ang pre-trial conference karong Hunyo 18, samtang sugdan ang pormal nga impeachment trial sa Hulyo 6, 2026. Ang duha ka kampo gimanduan usab sa pagsumite sa ilang mga dokumento ug pre-trial briefs sa wala pa ang gitakdang petsa.
Photo Courtesy: Wikipedia
