Patay ang labing menos 12 ka indibidwal, samtang laing siyam ang grabeng nasamdan human sa nahitabong duguong pagpamusil sulod sa usa ka informal settlement sa Cleveland, Johannesburg, South Africa.
Base sa report sa kapolisan, gibana-banang kapin sa 10 ka mga armadong suspetsado ang nanganaog gikan sa usa ka puti nga Toyota Quantum duol sa usa ka gasolinahan.
Sila daling misulod sa maong komunidad pinaagi sa duha ka managlahing agianan, gipalibutan ang lugar, ug sa walay kaluoy nga gipamusil ang mga residente sa nagkalain-laing dapit sa dili pa daling misibat gamit gihapon ang ilang sakyanan.
Ang nasod sa South Africa nailom nga usa sa mga dapit nga adunay labing taas nga murder rate sa tibuok kalibutan, diin gibana-banang moabot sa 60 ka tawo ang mamatay matag adlaw.
Sumala sa mga otoridad, ang mga pagpamusil sulod sa mga informal settlement sagad nga mahitabo sa maong nasod ug kasagarang nalambigit sa giyera sa mga gang o personal nga panagbangi.
Sa pagkakaron, nagpadayon pa ang gihimong manhunt operation sa mga awtoridad batok sa mga sad-an.
Photo Courtesy: ABC News
