Gilunsad sa City Government of Valencia ang selebrasyon sa National ICT Month 2026 pinaagi sa usa ka Kick-Off Ceremony nga gipahigayon sa Atrium sa Robinsons Valencia niadtong Hunyo 8, 2026.
Ubos sa temang “Bridging Divides, Powering Innovations, and Empowering the Next-Gen Global Valencianos,” kansang nagpunting sa papel sa teknolohiya sa pagpalig-on sa konektibidad ug digital empowerment sa komunidad.
Gipangunahan ang kalihokan uban sa suporta ni Mayor Amie Galario ug Vice Mayor Greizl Galario-Fernandez, diin usa sa nahimong highlight mao ang paglunsad ug ceremonial signing sa Valencia City 2-in-1 Citizen’s ID ug GCash Disbursement Card.
Matod ni Vice Mayor Galario-Fernandez, kini nga lakang ug ang padayon nga pagdawat sa teknolohiya gikinahanglan kaayo alang sa mas episyente ug makiangayong serbisyo publiko alang sa mga Valenciano.
Nagkalain-laing lider gikan sa DICT, DOST, ug NICP ang nagpadayag sa ilang suporta ug nagpasiugda sa importansya sa digital transformation alang sa ekonomikanhong pagtubo.
Ang tibuok semana nga selebrasyon—nga gidumala sa Information Technology Services Division (ITSD) ubos ni Erlinda Sandig ug sa Valencia ICT Council—pagasundan sa mga kalihokan sama sa Kernel Esports League, InnoVa Hackathon, ICT Expo, ug nagkadaiyang tech trainings alang sa mga mag-uuma, senior citizens, ug mga kabatan-onan
Photo Courtesy: LGU – Valencia City
