Gibuhi sa San Antonio Spurs, ang ilang paglaum nga makuha ang kampeonato human sa kulbahinam nga kadaugan batok sa New York Knicks, 115–111, sa Game 3 sa 2026 NBA Finals. Bisan pa man nga nag-una gihapon ang Knicks sa serye, 2–1, klaro nga nibalhin ang momentum pabor sa Spurs human sa maong nindot nga duwa.
Nangulo sa maong kadaugan ang pambato sa Spurs nga si Victor Wembanyama nga nagpakita sa iyang kalisang human nagtala og 32 puntos, 14 ka rebounds, ug 6 ka blocks. Katabang usab niya si Devin Vassell nga niamot og 24 puntos aron hingpit nga maselyohan ang labing unang kadaugan sa San Antonio sa Finals sukad sa ilang pagbalik sa championship round human sa pito ka tuig.
Sa habig sa New York Knicks, gipangulohan sila ni Jalen Brunson nga nimugna og 29 puntos ug 8 ka assists, apan kulang gihapon kini aron pugngan ang ulahing pag-arangkada sa Spurs sa nahibiling segundos sa duwa. Tungod niini, nabuhi pag-usab ang kompiyansa sa Spurs ug gilauman nga mas bangis pa sila sa mga mosunod nga duwa.
Gikatakda ang Game 4 nga ipahigayon gihapon sa baluarte sa Knicks sa Madison Square Garden, New York. Gilauman sa mga kritiko sa basketball nga mas mosamot pa ka hugot ug ka init ang dula samtang mosulay ang Spurs sa pagtabla sa best-of-seven series diin depensahan usab sa Knicks ang ilang labaw
Photo Courtesy:NBA
