Gibantayan karon pag-ayo sa mga health officials sa Africa ang nagkataas nga kaso sa Ebola sa pipila ka parte sa Central Africa. Naghatag kini og kabalaka sa posibilidad sa mas lapad pa nga outbreak nga posibleng makaapekto sa ubang rehiyon, kung dili mapugngan dayon.
Sumala sa mga health authorities, padayon ang ilang surveillance ug monitoring, aron masuta ang tinuod nga kahimtang sa pagdagsang sa mga kaso. Giingon nga importante ang paspas nga pagtubag, aron malikayan ang pagkalapad sa virus.
Sa pagkakaron, ang mga international aid groups, aktibo na sa pag-mobilize sa ilang response teams ug medical supplies. Nagpadayon usab ang ilang koordinasyon sa local government sa mga apektadong lugar, aron mapalig-on ang outbreak response ug maprotektahan ang katawhan.
Photo Courtesy: United Nation
