Nagpahigayon og Rapid Damage Assessment and Needs Analysis (RDANA) ang mga personahe sa Kabacan Fire Station, human sa kusog nga 7.8 magnitude nga linog nga miigo sa pipila ka bahin sa Mindanao.
Tumong sa maong kalihokan, mao ang pagtino sa gidak-on sa kadaot nga nahatag sa linog sa mga komunidad, imprastraktura, ug pampublikong pasilidad sa munisipyo, aron masiguro ang dali ug hustong paghatag og tabang sa mga apektadong residente.
Nakig-alayon ang BFP sa lokal nga panggamhanan, mga opisyal sa edukasyon, ug uban pang emergency response agencies sa pagsusi sa mga lugar nga naapektuhan ug sa pagtimbang-timbang sa labing dinaliang panginahanglan sa katawhan.
Ang mga datos nga nakolekta, gamiton isip basihan sa mga lakang sa disaster response ug pagpatuman sa mga pamaagi aron masiguro ang kaluwasan sa komunidad human sa maong katalagman.
Photo Courtesy: BFP XII Kabacan
