Giklaro ni Chinese actress si Zhang Yingfei, mas nailhan sa screen name nga Linda Walker, nga dili siya AI kundi tinuod nga tawo, atol sa iyang media conference sa Quezon City niadtong Hunyo 9, 2026.
Gisugat si Zhang sa kusog nga suporta ug fan gikan sa mga Pilipino sukad sa iyang pag-abot sa Pilipinas niadtong Hunyo 8, diin nagkalain-laing media appearances ang iyang giatubang lakip na ang TV guestings, school visit, ug press conference.
Pasabot niini nga adunay mga misinterpretation sa iyang karakter sa Chinese vertical drama nga “The Heiress Who Won With Brains,” diin giingon sa uban nga mura siya og AI, apan iyang gipakita nga siya usa ka aktres nga tinuod ug adunay daghang proyekto sa China.
Dugang pa niya nga bisan kapoy ug kulang sa tulog tungod sa sunod-sunod nga schedule, dako iyang pasalamat sa mainit nga pagdawat sa mga Pilipino ug open siya sa posibilidad nga makatrabaho sa Pilipinas kon adunay mohatag og acting project.
Gilauman nga magpadayon pa ang iyang promotional visit ug ipasidungog usab niya ang iyang ika-22 ka tuig nga adlawng natawhan karong Hunyo 13, 2026.
Photo Courtesy: Reddit
