Nagpaabot og pahasubo si Sanae Takaichi, ngadto sa mga biktima sa magnitude 7.8 nga linog nga miigo sa pipila ka bahin sa Mindanao Lunes sa buntag, Hunyo 8,2026.
Sa iyang post gipahayag ni Takaichi ang iyang dakong kasubo sa mga report sa grabeng kadaot nga nahitabo, lakip na ang pagkaguba sa pipila ka mga bilding sa apektadong mga lugar.
Gipasiugda usab sa lider sa Japan, ang lig-on nga panaghigalaay ug panaghiusa tali sa Japan ug Pilipinas ilabina sa panahon sa mga kalamidad ug krisis.
Matod pa niya, andam ang Japan sa pagpakita sa suporta ug pakig-uban sa katawhang Pilipino atol sa maong pagsulay.
Samtang, mahinumduman nga mibisita si Ferdinand Marcos Jr. ug si Liza Araneta-Marcos sa Japan niadtong Mayo alang sa state visit, diin ilang gihisgutan ang dugang pagpalig-on sa relasyon ug kooperasyon tali sa duha ka nasud.
Photo Courtesy: wikipedia
