Nagsugod na og abot sa Estados Unidos ang pipila ka mga nasod nga moapil sa FIFA World Cup nga pagahimoon gikan Hunyo 11 hangtod Hulyo 19. Nagpahigayon usab og nagkadaiyang send-off ceremonies ang mga koponan sa ilang tagsa-tagsang nasod isip pagpangandam alang sa prestihiyosong torneyo.
Anaa na sa Kansas City ang defending champion nga Argentina national team, samtang miabot usab sa New Jersey ang Brazil.
Ang England ug Scotland national teams anaa sa Florida alang sa ilang training camps, samtang gilauman usab ang pag-abot sa Australia sa sunod nga mga adlaw.
Padayon usab ang pagpangandam sa Germany, France, Spain, Portugal ug Norway, samtang anaa sa Mexico ang South Africa. Mokabat sa 48 ka nasod ang magtinigi sa 104 ka duwa, diin ang finals pagahimoon sa MetLife Stadium sa New Jersey.
Photo Courtesy: FIFA WORLD CUP
