Nadani ang atensyon sa daghang netizens human miangkon ang usa ka babaye sa Indonesia nga nabuntis siya tungod sa pagsulod sa hangin sa iyang lawas.
Si Siti Zainah gikan sa Cianjur, Indonesia, miingon nga nakabati siya og kusog nga huyop sa hangin samtang nagpahuway sa ilang balay ug wala madugay nakasinati og grabeng pagsakit sa tiyan hangtod nanganak og himsog nga batang babaye.
Apan, sumala sa mga health expert, posible kini nga kaso sa cryptic pregnancy o talagsaong pagmabdos diin ang usa ka babaye mahimong wala makahibalo nga siya buntis hangtod sa panahon sa pagpanganak.
Tungod niini, nagpadayon ang diskusyon ug debate sa social media mahitungod sa posibilidad sa usa ka pagmabdos nga wala matikdi sulod sa taas nga panahon.
Photo Courtesy: Wowshack
