Gibutyag sa aktres ug modelo nga si Heart Evangelista nga usa sa iyang mga uyab kaniadto ang nagpabati kaniya nga usa ka “sugar mommy” taliwala sa iyang pagkamanggihatagon. Sa interbyu sa Fast Talk uban ni Boy Abunda niadtong Hunyo 5, gipangutana si Heart ug ang aktor nga si Sean Lucas sa ilang sentimento kon kinsa ang angay nga mobayad sa usa ka date.
Alang kang Heart, way problema sa pagbayad kon siya ang nagpasiugda sa imbitasyon. Dugang pa ni Heart nga kasagarang mobayad ang mga lalaki atol sa romantic date. Bisan pa, andam siya nga abagahon ang mga galastohan kung makig-uban sa mga higala tungod kay nalingaw siya sa pag-host.
Sa dihang gipangutana kon nakagasto na ba siya sa usa ka lalaki, giangkon dayon ni Heart nga kanunay ug mura siyag sugar mommy para sa lalaki. Mikatawa pod si Heart sa iyang gisulti kay matod pa niya ang iyang “Love Language” ang paghatag sa mga butang alang sa iyang gihigugma. Pero matod niya nga adunay siyay nakarelasyon ng ma-feel niya nga gigamit lang siya.
Sa walay paghingalan sa iyang ex-boyfriend, si Heart niingon nga dunay punto nga iyang gipafeel nga “sugar mommy” siya, nga maoy nagpas-an sa pinansyal nga palas-anon. Bisan pa sa kasinatian, gipadayon ni Heart ang ilang gugma kaniadto. Sa dihang gipangutana kung unsa ang iyang mahatag nga clue bahin sa ex-boyfriend, komedya siyang mitubag, “Gwapo silang tanan,” dayun katawa sila ni Boy Abunda.
Giklaro usab niya nga usa lang ka kanhi kapikas ang mipabati kaniya og ingon niana ug mihatag og maayong katin-awan sa sitwasyon. Atol sa fast-talk segment sa maong show, gihangyo usab si Heart nga hinganlan ang usa ka kanhi hinigugma nga nagpabilin niyang higala. Sa walay pagduhaduha, iyang gihinganlan ang aktor-direktor nga si John Prats. Sa dihang gipangutana nga ilhon ang usa ka ex nga dili na niya higala, si Heart prangka nga mitubag, nga daghan sila di nako ma tagsa-tagsa dugang katawa sa studio.
Ang kanhi magtiayon, nga labing nahinumdoman sa ilang mga papel isip Missy ug Yuan sa youth-oriented ABS-CBN series nga G-Mik, nipaambit nga bisan pa nga wala sila molambo ngadto sa usa ka taas nga romansa, giisip na nila karon ang ilang relasyon nga usa ka “forever friendship.”
Sa sayong bahin sa Mayo, silang duha nagbida sa music video sa pinakabag-o nga single ni TJ Monterde, “Teka Lang,” nga nagsaysay sa istorya sa usa ka batan-ong gugma nga nakabalik sa pagkahamtong human sa 23 ka tuig. Karon, ang duha malipayong naka-move forward sa ilang tagsa-tagsa ka pamilya. Si John naminyo sa aktres nga si Isabel Oli, kinsa adunay tulo ka mga anak, samtang si Heart naminyo kang Senator Francis “Chiz” Escudero.
Photo Courtesy: Wikipedia
