Patay ang dili moubos sa 21 ka indibidwa samtang 19 ang nasamdan human maaksidente ug masunog ang usa ka pampasaherong bus duol sa syudad sa Nassiriya sa nasud sa Iraq niadtong Domingo.
Sumala sa mga awtoridad, nawad-an og kontrol ang drayber sa gimanehong bus samtang nagbiyahe sa usa ka highway. Tungod niini, mitagilid ug natumba ang bus sa wala pa kini nasunog. Gilayon nga niresponde ang mga rescuers ug emergency personnel aron tabangan ang mga biktima sa insidente.
Gikumpirma sa mga pulis ug health officials nga 21 ang namatay samtang 19 ang nasamdan ug gidala dayon sa balay tambalanan.
Samtang gimando si Iraqi Prime Minister Ali al-Zaidi sa usa ka dinaliang imbestigasyon aron mahibal-an ang eksaktong hinungdan sa maong trahedya.
Photo Courtesy: Views Bangladesh
