Giangkon ni Senador Erwin Tulfo ang iyang nabuhat nga sayop human nga mipagula ug pamahayag batok sa mga kaubang senador nga sakop sa minority bloc ingon man kang Senador Alan Peter Cayetano nga iya untang dakpon ug guyoron.
Matod pa ni Tulfo, nga mali ang iyang gibuhat ug dili angayan sa usa ka opisyal sa gobyerno ilabina sa usa ka senador ang mopahayag ug mga kusganong pulong. Dugang pa niya nga nadala lamang matod pa siya sa iyang emosyon ug sa tinguha nga ipadayon ang trabaho niini sa Senado.
Tungod niini, nangayo siya ug pasaylo kang Senador Alan Peter Cayetano ug uban pang mga senador nga naapil, ingon man nangayo usab siya og pasaylo sa katawhang Pilipino sa mga panghitabo sa Senado nga giingong nisangpot na sa dili maayung resulta.
Dugang pa sa Senador nga ang mga panghitabo karun sa Senado misangpot na sa pagkalangay sa pagbuhat ug mga balaodnon ingon man wala nay nahimo nga makahuluganong legislative action.
Tungod niini nanawagan siya nga mahuman na ang mga kagubot ug magtinabangay alang sa pagpadayon sa kaayohan sa publiko.
Photo Courtesy:wikipedia
