Kapin sa 10,000 ka delivery riders sa Beijing, China ang bansayon isip public safety volunteers aron motabang sa emergency response, fire safety, ug traffic safety.
Ang food delivery company nga Meituan nagplano sa pagtukod og 300 ka volunteer teams karong tuiga isip kabahin sa programa.
Gawas sa paghatod og pagkaon, makatabang usab ang mga riders sa pagreport sa mga paglapas sa food safety ug uban pang peligro sa komunidad.
Gigamit usab sa kompanya ang GPS, smart helmets, ug AI cameras aron mamonitor ang kaluwasan sa mga riders ug mga establisyemento. Adunay usab reward system ug cash incentives alang sa mga riders nga adunay maayong safety record.
Sumala sa mga opisyal, ang maong inisyatibo nagtumong sa pagpalig-on sa public safety pinaagi sa aktibong partisipasyon sa mga delivery workers sa komunidad.
Photo Courtesy: PNA/ CNBC
