Andam ang Malacañang nga magpatawag og special session sa Kongreso aron mapadayon ang deliberasyon sa mga importanteng balaodnon nga gipaluyohan sa administrasyon.
Sumala kang Undersecretary Claire Castro, molihok dayon ang Palasyo sa higayon nga makadawat kini og opisyal nga hangyo gikan sa bag-ong liderato sa Senado. Gipasiugda niya nga dili gusto ni Presidente Ferdinand Marcos Jr. nga maantala ang trabaho sa lehislatura tungod sa mga isyu sa politika.
Lakip sa mga prayoridad sa administrasyon ang pagpasa sa anti-political dynasty bill ug supplemental budget alang sa mga sektor nga naapektuhan sa krisis sa Middle East.
Ang maong pahayag misunod sa pagbag-o sa liderato sa Senado diin si Acting Senate President Sherwin Gatchalian maoy mipuli sa posisyon. Sa sayo pa, nanawagan usab si Pangulong Marcos sa mga senador nga ibalik ang ilang pokus sa pagtrabaho ug pagserbisyo sa publiko.
Photo Courtesy: PCO
