Gi sa Department of Agriculture (DA) ang pagpagawas og import clearances alang sa mackerel aron mapugngan ang giingong sayop nga deklarasyon ug pagbalhin sa imported nga isda ngadto sa mga public market.
Base sa Department Circular No. 28, ang maong lakang gituman aron malikayan ang misdeclaration ug diversion sa mga imported nga produktong pangisda ug aquatic products.
Ang desisyon gisunod human sa mga report nga adunay pipila ka importers nga gituohang nagdeklarar og lahi nga katuyoan sa ilang mackerel shipments apan gibaligya kini sa ubang merkado.
Matod sa DA, ang mga sanitary ug phytosanitary import clearances (SPSICs) alang sa mackerel ihatag lamang sa mga kompanyang mogamit niini alang sa canning o pagproseso sa de-lata nga produkto.
Sumala sa direktiba, ang unang gidaghanon sa importasyon nga itugot sa matag lisensyadong importer ibase sa ilang napamatud-ang production volume.
Ang mosunod nga import allocations ibase sa ilang VATable sales sa mga canned products nga gihimo gamit ang imported nga mackerel, lakip ang dugang nga 10 porsiyentong buffer.
Gikinahanglan usab nga matag tuig magsumite ang mga importer sa ilang VATable sales records aron mahimong basihan sa umaabot nilang import volume allocations.
Photo Courtesy: context.ph
