Patay ang 21 ka tawo, lakip ang 12 ka langyaw, human nahitabo ang dakong sunog sa usa ka hotel sa Malviya Nagar, South Delhi, India niadtong Miyerkules.
Giila kini sa mga awtoridad isip usa sa labing grabe nga insidente sa sunog sa kaulohan sa India sukad pa niadtong 2022.
Sumala sa imbestigasyon, nagsugod ang sunog sa wala pa mag alas-9:00 sa buntag sa upat ka andanang building. Gituohang gikan ang kalayo sa usa ka restaurant nga nahimutang sa ground floor sa establisemento, nga maoy hinungdan sa paspas nga pag kuyanap ngadto sa ubang bahin sa building.
Tungod sa kakusog sa kalayo, pipila ka mga tawo ang napugos sa pag-ambak gikan sa mga bintana aron makalingkawas. Mitabang usab ang mga residente sa lugar pinaagi sa pagbutang og mga kutson sa karsada aron makunhuran ang kadaot sa mga biktima nga nangambak.
Samtang dali nga mitubag ang walo ka fire trucks aron mapalong ang kalayo, mikabat usab sa 49 ka tawo ang gidala sa nagkalain-laing ospital alang sa pagtambal, samtang duha kanila ang anaa sa kritikal nga kahimtang.
Nagpadayon usab ang imbestigasyon sa tinuod nga hinungdan sa sunog, gi-detainiee usab ang tag-iya sa bilding alang sa dugang pang imbistigasyon.
Photo Courtesy:Mjengho Hub/Global times
