Buhisan na ang mga imported nga semento gikan sa China ug Indonesia human sa pagtaas sa gidaghanon nga gihatud sa Pilipinas ngadto sa kapin 3 porsyento sa kinatibuk-ang import.
Subay sa Department Administrative Order (DAO) No. 26-03 nga gi-issue sa Department of Trade and Industry (DTI) niadtong Mayo 20, 2026, kini nag-ingon nga ang mga imported nga semento lamang nga ubos sa 3 porsyento sa kinatibuk-ang gidaghanon ang wala gilakip sa definitive general safeguard measure.
Sa report sa tibuok 2025 ug sa unang quarter sa 2026, ang DAO nag-ingon nga mga 6.02 metric tons (MT) sa imported nga semento ang miabot sa nasud sa miaging tuig, ug 1.29 MT sa unang tulo ka bulan karong tuiga.
Giingon niini nga ang kadaghanan nga mga delivery gikan sa Vietnam, sa 79 porsyento sa miaging tuig ug 63 porsyento sa unang quarter sa 2026.
Ang bahin sa China misaka ngadto sa 11 porsyento sa 2025 ug 23 porsyento sa unang quarter karong tuiga, matod niini.
Sa Indonesia, ang mga imported nga semento mikabat og 6 porsyento sa kinatibuk-an sa 2025 ug 8 porsyento sa katapusan sa Marso ning tuiga.
Photo Courtesy: Vietnam News
